N°: 332 La cançon del pepin
Aire géographhique:
Interprète:
Réf.discographique: GEMP06 Najagués
Réf écrite:
    Paroles de la chanson:
Fanton polit coma un sòu
Tu venes e ieu m'en vau,
Que far'quí mai Margarida
Aquò's lo trin de la vida,
Fanton polit coma un sòu
Tu venes e ieu me'n vau.

N'i a un briu qu'ai los pèlses blancs
Sarri mos quatre-vint ans,
Que de blat, que de farina
Ai portada sus l'esquina! ...

Margarida ça i venguèt
Dal jorn que lo rei nasquèt,
A la planca tot sautava
Tot cantava, tot dansava ...

Lo rei n'es pas a Paris
Si fèt Peire a sos Molins!
E jamai a vòstra planca
L'aiga ni lo blat li manca ...

Mes ara paure menut
Ton pepin s'es arrendut,
Es estat fòrt coma un' arca
A plan menada sa barca ...

Quand faràs ton primièr pas
Benlèu ieu correrai pas,
Se ça i èri sus l'erbeta
Te prendrai per la maneta ...

Lo Bon Dieus siá benesit
Me tròbi plan perbesit,
Sièis ostals de ma familha
Son plens d'enfants e de filhas ...

Òc jamai los Monestièrs
Mancaran pas d'eritièrs,
Vèni, tira, Margarida
Podèm quitar aquesta vida ...