N°: 741 L'épitre de la rassèga
Aire géographhique:
Interprète:
Réf.discographique: GEMP08 Monts d'Alban
Réf écrite: Livret Alban
    Paroles de la chanson:
L'epitre de la rassèga
Quand èri pichona n'èri pas bèla.
Mon paire me fasiá gardar sèt cent abelhas.
Las prenguèri, las anguèri claure,
Las comptèri : me'n manquèt una
Tornèri al bòsc per cercar aquela abelha
Trapèri sèt cent lops que la me manjavan.
Anguèri cercar un pigasson per tuar aqueles lops.
Al luòc de tuar los lops
Ie faguèri tombar sèt cent quintals de borra.
Fotèri fuòc a la borra
E cremèri lo pigasson juscas a la dolha.
Curvelèri las cendres per trobar lo pigasson.
Al luòc de trobar lo pigasson trobèri una fichadoira.
La prenguèri la fichadoira,
Me n'anguèri lo bòrd de la ribièira,
Me metèri a pescar, trapèri una cavala blanca.
Ie montèri a sèla sus aquela cavala me n'anguèri
Faguèri sèt lègas de camin
E me mainèri que ranquejava.
Davalèri per veire de qu'aviá fach a n'aquel pè
Ie trobèri sèt sestièrs de favas blancas.
Prenguèri aquela fava, me n'anguèri lo bòrd d'una pibola,
Ie m'endormiguèri, quand me revelhèri
La fava n'èra montada al bot de la pibola.
Montèri al cap de la pibola
Per veire qu'aviá fach aquela fava.
Ie trapèri de pastres
Que fasián de cunhs en forma de formatge.