N°: 813 Partiguem per aquel pichon pastorèl
Aire géographhique:
Interprète:
Réf.discographique: Cassette Nadals Talvera n°7 & 8
Réf écrite: Nadals Talvera p.17
    Paroles de la chanson:
1.
Anèit es nascut aquel polit mainatge.
Enfin es vengut lo Dieu tant atendut.
Per i anar rendre omatge, planguetz pas lo dormir,
Partiguem totis del vilatge, anem, vite, en camin.

Repic
Partiguem per aquel pichon pastorèl qu'es tant bèl,
Sens retard, ofriguem totis per tresòr, nòstre còr,
Nòstre Sénher de son filh nos fa present, en venguent, bis
Nos a laissadas las pòrtas del cèl alandadas.
2.
Qui porrià pensar en vegent sa naissença,
Qui porrià pensar qu'es vengut per regnar.
Es nascut dins la sofrença, lo paure fa pietat !
Ambe la sola diferença qu'es nascut sens pecat.
3.
Entorem lo brèçd'aquel que Dieu envòia,
Entorem lo brèç, nos ganha lo proçès.
Tota la tèrra es dins la jòia e l'infèrn es en dòl.
Sens l'enfant que Dieu nos envòia, nos tenià a mièg còl.
4.
Per lo Rei novèl, que tot s'endimenge.
Sortís, pastorèl, tot çò qu'as de pus bèl.
Al galòp balha un còp de penche sens atendre lo jorn,
Carga la vèsta del dimenge ambe lo capèl rond.
5.
De qu'es aquel lum d'una clartat novèla,
Que vesèm cadun flambar sens cap de fum ?
Afanem-nos : aquò's l'estèla, un miracle novèl !
Plan que nos ditz, que nos apèla véser lo pastorèl.
6.
Ausís, pastorèl, quin concèrt, quinis aires !
S'entend pas qu'al Cèl un cantica parèlh :
"La patz als òmes, nòstres fraires, e glòria a Dieu totjorn".
Aquò's la cançon dels cantaires, la nèit amai lo jorn.