N°: 818 Pastoras avètz pron roncat
Aire géographhique:
Interprète:
Réf.discographique: Cassette Nadals Talvera n°8
Réf écrite: Nadals, LA TALVERA, p51
    Paroles de la chanson:
PASTORAS AVÈTZ PRO RONCAT.


1. Pastoras, avètz pron roncat.
Dejà deuriatz èstre levadas,
Ieu vos cresiá desrevelhadas
Despuèi que lo pol a cantat.
La Vièrge, anèit, s'es delivrada
D'un enfant que nos ven salvar.
Anem-z-i d'una galopada,
Vos cal levar, vos cal levar, vos cal levar.

2. Vestigam-nos e partiguam,
Farem lo camin sens lantèrna.
Anèit, al cèl, i a la lusèrna
Qu'esclaira fòrt. Mas ont anam ?
Despachem-nos per rendre omatge
Al Dieu que fa nòstre bonhur.
Adorarem lo bèl mainatge,
Nòstre Sauvur, nòstre sauvur, nòstre Sauvur.

3. E vos, enfants, debrembetz pas
Çò que nos cal per faire ofranda !
Aquesta ocasion la demanda.
Ba portarem dins nòstra mans.
I donarem doas tortorèlas,
Amai lo pus polit anhèl.
Encara mai pastoreletas,
Tot lo tropèl, tot lo tropèl, tot lo tropèl.

4. Ara lo cèl es alandat,
I dintrarem sens cap de pena.
Dieu a briasda la cadena,
Nòstre afar s'es acomodat.
Aquò's el sol que nos perdona.
Per nos salvar, b'a plan volgut.
Aquò's el mèmes que mitona
Nòstre salut, nòstre salut, nòstre salut.

5. Ai ! que Satan serà matat !
N'aura pas pus tant de besonha,
Dejà, dejà, ne fa la tronha,
Perque l'infèrn nos es tampat.
A vòstres pès, Dieu tant aimable,
Vos adoram ! E nòstre còr
Vos ofrís dins aqueste estable
Tot son amor, tot son tresòr, tot son tresòr.