N°: 819 Lèva-te, Peiroton
Aire géographhique:
Interprète:
Réf.discographique: Cassette Nadals Talvera N°8
Réf écrite: Nadals, LA TALVERA, p53
    Paroles de la chanson:
LEVA-TE, PEIROTON, D'AQUÌ.

Introduccion
Lèva-te, Peiroton, d'aquí,
Ne siás pas las de dormir ?
Dins un estable miserable,
Es nascut un tan bèl Rei.
Afana-te, qu'anirem véser
Se n'auriá pas besonh de res.

1. Tu qu'aimas plan lo cambajon,
Pòrta tres palms de salcissa.
Dançarem, caquetarem.
A tu, Margòt, aluca lo fuòc.
A la santat de la noiriça
Beurem un còp.

2. Tu qu'aimas plan le flambadèl,
Le bèl Rei te fa riseta.
De son pan te donarà.
Afana-te de le cercar.
Le trobaràs dins la paciença,
La pauretat.

3. La pauretat d'un còr pacient,
Cada jorn se renovèla.
Sap cantar, se sap calar,
Sap galopar, s'arrucarà,
E se te cal una candèla,
L'alucarà.

4. Lo pichon Rei, le trobaràs
Dins l'escur de ton estable.
L'aimaràs, l'adoraràs,
Plan perdon i demandaràs
Per totes que sèm tant copables.
O Marià !

5. E quand le Cèl se durbirà,
Anirem totes ensemble
Le benesir e l'adorar.
Aurem finit de tant plorar
E cantarem ambe las Anjas
Alleluià !