N°: 823 La cançon de la linha
Aire géographhique:
Interprète:
Réf.discographique: Cassette Talvera N° 9 (Landou)
Réf écrite: Landou, p89
    Paroles de la chanson:
1. Comenci a Pèira segada
Ieu ne vau far una promenada
Vau passar dins los soterens
Dins totas las trenchadas
Amai dins totes los tunnèls
Ont cal que passe lo camin de fèr.

2. Quand passam a l'ostal Dailàs
Aquí las femnas an de biais
Nos dison :"Dintratz un bricon
Que beurem una litra.
Nos parlaretz de la cançon
De la ribièira del Gijon".

3. Lo pont nòu del Mas de La Casa
Lo n'an ben fach a dètz arcadas.
I a nòu pilièrs que son carrats
Per téner las muralhas,
Per tirar un plan d'aqueles ponts
Ne cal passar tot lo valon.

4. Ne cal passar pel ròc Picat
De l'Ortiguiè a La Molina
De la molina ambe Cairòls,
Ne cal passar sus Rocairòls.

5. Ie n'a ben un pont qu'es de Ramièrs,
Que lo n'an fach a tres pilièrs
La Saüset passa dejós,
Ne fa arosar lo prat de Bordèlas,
Mès aquel prat es ben plan bon,
Ie n'a pas benlèu lo melhor.

6. D'aquí ne cal passar pel pont,
Aquí ie n'a un grand valon.
O mès aval al cap del pont,
Ie n'an facha una esplanada,
Aquí n'an fach perir un prat,
Tantes de còps l'avián dalhat.

7. O mès aval al mièg del pont
I a un arbre que fa de marrons.
Cada printemps qu'es arribat,
S'es cobèrt de ramatge.
Mès aquel polit marronièr,
Es pus gròs que cap de palhièr.

8. A l'ombra d'aquel marronièr,
Ie porrián plan margar un cafè.
Los qu'anirán se solombrar,
Tota l'après-dinnada,
Aquí ne prendrián un veiron
A la santat de Margoton.

9. Cal passar contra Lo Batut,
Aquí ont canta lo cocut.
Ne cal passar contra Basila,
En seguient tota la linha,
De sul tunèl de La Janiè
D'aquí òm vei La Cocutiè.

10. Cal passar sul pontil de Tomàs,
Qu'es dins la planca del Prat Oais.
Cal passar sul prat de La Rèssa,
Travèrsar los prats de La Vèrnha,
Ie n'a un tunèl dins lo Rebaud,
Aquí ie n'a un abric quand plòu.

11. Sus lo Rebaud ie n'a un pont,
I a dos pilièrs que son redonds.
N'a totjorn vint mèstres de naut,
E cent de traversada,
Aquel lo n'an ben fach en fèr,
Per passar lo camin de fèr.

12. I an meses sièis mila bolons
Per ne far téner tot lo pont.
L'an montat sus quatre rotletas,
E totas sas esquiletas.
L'an fach en mòda de balcon,
Lo long del pont n'es fach al rond.

13. I a totjorn dètz mila rivets,
Totas las fustas son treplets.
Las travèrsas ne son en long,
Per far passar la Vaca Negra,
I a totjorn vint-e-sièis montants,
Per ne téner tot lo quadrant.

14. N'an fach un tunèl sus Crosigas,
Ont ie n'an fachas plan de minas.
I a un tunelon de La Volièira,
Aquí i a una autra catonièira,
Per far passar los voiatjors,
Las domaisèlas, los garçons.

15. Quand fasián lo tunèl de Ga
Ieu ne disiái : "Ne fan ben plan".
Ie passarem per acrochar
Quand anirem a Vabre,
Travèrsarem los castanhèrs,
Ne filarem als quatre pès.

16. D'autres còps a l'ostal del Ga,
Nautres ie nos plasièm ben plan.
Aquí i aviá doas joves filhas,
Que n'èran bèlas e polidas,
Que nautres lor fasièm l'amor,
Ne semblavan fachas al torn.

17. Aquelas dròllas d'ancièn temps,
Nos fasián plan passar un moment.
Elas possavan la clocheta,
Totjorn ne fasián : "flisca, flèsca",
Ne travalhavan al talhièr,
Jamai chanjavan pas de pè.

18. A n'aquel cropal del Salés,
Aquí ie se'n tuèron tres.
A n'aquel bocin de trenchada
Que n'es aval sus La Ramada,
Al bòrd d'aquel pichon tunèl,
Aquí ie'n daissèron la pèl.

19. Dos de joves e un de vièlh
Avián quitat lo lor castèl.
Cada jorn trabalhavan aquí,
Per ne ganhar qualques pesetas,
Un dètz-e-uèit, l'autre vint ans
L'autre n'aviá quaranta-cinc ans.

20. Al prat del Salés ie n'a un pont,
I a tres arcèus son pas redonds.
Aquí ie n'a ben dos pilièrs,
Per ne portar tot lo balastre,
N'es al bòrd d'un pichon tunèl,
Que lo n'an fach al nivèl.

21. Al mièg de Vabre ie n'a un pont,
Que los arcèus son pas redonds.
Ie n'a ben dotze fenestrons,
Amai dotze virgulas,
Mès los pilièrs ne son rancuts,
E los arcèus ne son ponchuts.

22. N'i an mesas las gentas en fèr,
Dempuèi que i a lo camin de fèr.
Aquí ie n'a ben sèt arcadas,
Aquò n'es lo pont de las promenadas,
Per far passar los carretièrs
E amai totes los corrièrs.

23. Per anar al molin de Correch,
Cal passar aval sus lo banquet.
Ne cal passar sus Rocalet,
Ont an mudada la ribièira,
Aquí n'an demolit un ròc
Que ne formava un pichon puòch.

24. Dans la vallée de Rocalet,
Il y a un joli rocher.
Est fait en chapeau de gendarme,
Dessus la route de Plaisance,
Fait la forme d'un gros chapeau
Pèse plus de mille quintaux.

25. Mais là dans la même vallée,
Il y a un autre rocher,
Une pierre faite à la mode,
Faite en tête de lionne,
Qu'on appelle Rocher Tremblant,
C'est un objet bien épatant.

26. Y ont mises deux brides en fer,mis???
Pour lui tenir la tête en l'air,
C'est là qu'elle fait sortir sa langue,
Dessus la route de plaisance,
Fait la forme d'un gros lion,
La présence d'émerillons.

27. Per anar als ponts del Boissàs,
Ne cal passar al Castelàs.
Lo prumièr pont n'es fach al rond,
Ie n'a ben nòu arcadas,
Quand òm arriba al pont del mièg,
Aquí ie n'a ben cinc pilièrs.

28. Aquel lo n'an fach a sièis lunas,
Dins tota son estenduda,
Aquí ie n'a tres arcèus grands,
Tres de pichons e tres de grands.

29. Per n'arribar al pont pus grand,
Ne cal passar sul Gorg Farrand.
Quand òm n'es sul pont de Plasença,
Aquí i a fòrças consequenças,
Aquí ie'n sautèt un aucèl,
Qu'èra lo Lop de Terondèl.

30. Mès aquel pont n'es lo pus naut,
Aquí i avètz un brave saut,
Aquí ie'n sautèt un chaval,
Que ne tirèt son mèstre,
Mès quand ne soguèron al fons,
Ne vegèron pas pus lo jorn.

31. A n'aquel pont ie n'a ben tres pilièrs,
Per retener tot lo remblès,
Aquel l'an fach a sièis vanèlas,
Per far passar los Polichinèlas,
Tres vanèlas de cada part,
Per ne tèner tot lo rempart.

32. Ara soi arribat aquí,
D'aquí l'òm vei Vaur de Camin.
D'aquí l'òm vei La Parariè,
Ie n'a una pichona gara,
Aquí ie n'a un punt d'arrèst
Per far montar los passagèrs.

33. Cal passar al tunèl de Rossin
De las Bòrdas amai Toï.
Aquí an margat un bassin,
Per n'abeurar la Vaca Negra,
Pichon embuc e un tudèu,
Del Cabasson n'es un arcèu.

34. I a lo tunèl de Provenquièiras,
N'es una cava a tres bandièiras.
Dotze pipas de cada part,
Per ne far passar las novèlas,
Pichon placard de cada cap,
Per passar l'electricitat.

35. Ne cal ben passar vèrs Gorg Long
Que n'es al profond del valon,
Ont l'aiga prenguèt un palhièr,
Lo long de la ribièira,
Lo n'agèt lèu levat ensús,
Que un faró i èra dessús.

36. Per aquel chin qu'un triste sòrt,
Soguèt condamnat a la mòrt,
Aquí ne soguèt emportat
Per un afrós aigatge,
Lo n'emportèt lo long del riu,
Ne tornèt pas véser l'estiu.

37. Dins lo tunèl de Mascatiè,
Cal passar dins La Casaliè.
Aquí i a un pichon punt d'arrèst,
Una pichona guerita,
Es per quand plòu se supluejar
E quand fa caud se solombrar.

38. La Casaliè prèp de Boiròl,
Ont ne canta lo rossinhòl,
I a sovent de passagèrs,
Per ne sautar la barca,
Que venon de La Bessonniè,
Venon juscas aquí a pè.

39. Quand lo barquièr n'es pas aquí,
I a de còps que los fa languir.
Ne dison : "Despachem-nos plan,
De ne montar la còsta,
Que nautres poguèmarribar,poguem??
Juscas lo trèn per nos plaçar".

40. Cal passar lo tunèl de Cambons,
I a ben de camps que son plan bons.
Cal passar al tunèl Santa-Juliana,
Ont passan fòrças cotilhadas,
E lo tunèl de Sant Martin
Quand lo fasiá, bevián de vin.

41. Dins Ròcacorba ie n'a un pont,
N'a setanta mèstres de long.
Aquí ie n'a ben quatre arcadas,
Dins tota son estirada,
N'i a dos pilièrs que son redonds,
Totes al fons, totes al fons.

42. Cal passar al tunèl de Las Gresas
Lo n'an ben fach a doas represas.
A la trenchada del salvatge,
Aquí pas luènh d'aquel vilatge,
N'avèm passat tot lo valon
N'avèm comptat totes los ponts.

43. A l'arribada de l'Albinca,
Ne cal ben passar sus las Liças
Quand passam davant de grands cafès,
Aquí v'i a de polits vitratges,
N'arribam ben tot en cantant,
Finirèm lèu los compliments.

44. A l'arribada de la gara
Aquí i a una autra esplanada.
Ie n'an montat de reservoirs,
Per ne far beure las machinas,
Ie n'an fachas de bastiments,
Per se parar del michant temps. michant???

45. Dins lo païs de Montastruc,
Entendon cantar lo cocut,
Entendon cantar lo cocut,
Que me ditz dins son lengatge :
Cocut aicí, cocut ailà,
Totjorn n'i a avut, jamai ie n'aurà. avut???

46. Quatre graçons totes ensembles,
Ne cantan plan una cançon,
Quand eles se sabon entendre,
Que ne fan plan lo mème son,
Tot en mangent un poleton,
Amai una ensalada,
En mangent un pauc de fricòt,
Aquò ne fa plan beure un còp.
ì
47. Mès lo qu'a facha la cançon,
Es pas abilhat en rector,
Pòrta la vèsta e un gileton,
E un parelh de cauças,
Que son fachas al Grand Portal,
Plan coma cal, plan coma cal.

48. Se i a qualqu'un de pas fenhant,
Ara que ne faga autant.
Ieu ne sabi ben cinc cançons,
Que ne son fachas a la mòda,
Ne sabi quatre en patés,
Amai una autra en francés.