N°: 835 Lo pòrc e la bèla-maire
Aire géographhique:
Interprète:
Réf.discographique: GEMP17 Castanet, Ginals...
Réf écrite: Livre coll al canton, Castanet, p119
    Paroles de la chanson:
LO PÒRC E LA BELA MAIRE.

1. L'autre jorn anavi morir
Se'n manquèt pas de gaire
Vos contarai ben se vos fa plaser
Aquela fotuda istòria
Anguèri plan jusca a Montalban
I anguèri per la fièra bis.

2. Ma bèla maire èra davant
Coma una joveneta
E ieu darrèr braves enfants
Teniái l' pòrc per la coeta
Tustavi ben pron
Per far marchar aquel gòrre
Enfin arribam patatin patatan
Sus la plaça del Pòrre bis.

3. Al mèg d'aquel polit fièiral
E drech coma una barra
Montat sus un pedestal
Un òme ten una cana
Negre coma un rat paure pòrc pincat
N'èra qu'una estatuia
And'un arbre mòrt estaqui lo pòrc
L'estaqui per la cuia bis.

4. Ma bèla maire duèrb lo panièr
Que de l'ostal portavem
E beu coma un vièlh esclopièr
Mès pendent que manjavem
La coeta petèt lo pòrc se n'anguèt
En sisclent per la vila
Pendent qu'en susor l'acòrchi falord
Flaví beviá tranquilla bis.

5. Lo pòrc marchava e ieu tanben
E jamai l'atrapavi
Eri sul pont sens bò saber
Que de gaire tombavi
Aquel animal gafèt un chaval
Ne faguèt tombar una dama
La rampa petèt dins lo Tarn tombèt
N'aviá la mòrt dins l'ama bis.

6. E ieu me'n tòrni en plorent
Cercar ma bèla maire
Lo dròlle m'agachava en risent
N'aviái plan missant aire
Negre coma un rat lo capèl traucat
N'aviái la camba flasca
Aquí pel camin trobèri Flaví
Bandada coma una ascla. bis.

7. Li cridi un còp me respònd pas
La cresiái prèsque mòrta
Jamai n'aviái vist aquel vièlh crapàs
Plena d'aquela sòrta
Lèvi sens faiçon aquel paquet fangós
Coma un sac de farina
E patin patan coma que carga un sac
Lo foti sus l'esquina bis.

8. Mès un gendarma me vegèt
Aquel fais sus l'esquina
E de suita me n'atrapèt
Sens tambor ni machina
E ieu paure Bertomiu me'n vau a la prison
E la gròssa botelha
Ne soi sortit macat e poirit
Esquiçat e tot pèlha bis.

9. Vos vau livrar braves enfants
Lo fons de ma pensada
E que caldrà per èstre urós
Patir mai d'una annada
Enfants faretz plan d'anar a Montalban
Totes sols préner l'aire
Mès se jamai i anatz al'ostal daissatz
E pòrc e bèla maire bis.