N°: 1000 Lo rossinhòl salvatge
Aire géographhique:
Interprète:
Réf.discographique: Cassette Talvera N° 9 (Landou)
Réf écrite: Landou, p208
    Paroles de la chanson:
LO ROSSINHÒL SALVATGE.

1. Lo rossinhòl salvatge
Canta tota la nèit
Aval dins lo boscatge
Paur d'èsser pres al lèit.
Dempuèi qu'un còp i arribèt
Una tarribla suspresa :
Una brota l'entrenèt
Amai l'entortobilhèt.

2. Dessús una branqueta
Que n'èra de boisson,
Fasiá la brançoleta
Ne fasiá un somelhon.
Aquí soguèt estacat
Per una longa vidalba.
Lo n'agèt lèu entrenat
Dins dels pès jusca al cap.

3. Quand el s'en desrevelha
Que se vegèt aquí,
Penjat per las doas aurelhas,
Sens poder s'en sortir,
El ne cridèt : "Al secors!
Venètz m'en copar la brota!
Que m'en piòga demargar
Que piòsca tornar cantar!"

4. Una de sas vesinas,
Lo n'entendèt cridar.
Prenguèt una ganiva
Per la brota copar :
"Que siás tu malerós,
Penjat dins aquela brossalha!
Que siás tu malerós
Penjat per aqueles boissons!"

5. L'escòla soguèt bona,
Tornèt pas s'endormir.
Dempuèi totjorn ne canta,
Lo ser e lo matin.
Ara ne ditz desempuèi
Dins sa bèla cançoneta,
Ara ne ditz desempuèi :
"Pus pus non m'endormirai!"

6. Quand las vidalbas cessan
Alara de brotar,
Lo rossinhòl salvatge,
Plega de ne cantar.
Ditz : "Ara cal anisar
Per metre nòstra familha.
Quand lo printemps tornarà,
Nautres tornarem cantar."