N°: 999 La flors envèrsa
Aire géographhique:
Interprète:
Réf.discographique:
Réf écrite:
    Paroles de la chanson:
Ar resplan la flors envèrsa
Pels trencans rancs e pels tèrtres,
Quals flors ? Nèus gèls e conglapis
Que còtz e destrenh e trenca ;
Don vei mòrtzs quils, critz, brais, ciscles
En fuèlhs, en rams e en giscles.
Mas mi ten vert e jauzen Jòis
Er quan vei secs los dolens cròis.

Quar enaissi m'o envèrse
Que bèl plan mi semblon tèrtre,
E tenc per flor lo conglapi,
E'l cautz m'es vis que'l freit trenque,
E'l tro mi son chant e ciscle,
E paro'm fulhat li giscle.
Aissi'm sui ferm lassatz en Jòi
Que re non vei que'm sia cròi.

Mas una gen fad' envèrsa
(com s'èron noirit en tèrtres)
Que'm fan pro piègs que conglapis ;
Qu'us quecs ab sa lenga trenca
E'n parla bas et ab ciscles ;
E no i val bastos ni giscles,
Ni menassas ; - ans lur es Jòis
Quan fan çò don òm los clam cròis.

Anat ai com caus' envèrsa
Cercàn rancs e vals e tèrtres
Marritz con celh que conglapis
Cocha e mazelh' e trenca :
Que'm no'm conquis chans ni ciscles
Plus que fòlhs clercs conquer giscles.
Mas ar - Dieu lau - m'alberga Jòis
Malgrat dels fals lausengièrs cròis.

Joglar, granren ai menhs de Jòi !
Quar no'us vei, en fatz semblant cròi.